పాలు తాగి మిగిలిపోయినా.. ఇంకా ఏం సందర్భంలోనైనా సింక్లో పాలను గుమ్మరించేస్తాం. అలా చేస్తే ఏం జరుగుతుందో తెలుసా? నీటి కంపెనీల ప్రకారం ఇలా చేయకూడదని చెబుతున్నారు. అది ఎందుకో తెలుసుకోండి.
మీరు ఉదయం ఒక కప్పు లేదా గిన్నెలో ఓట్స్, ఇంకా ఇతర ఏవైనా వేసుకున్నప్పుడు పాలను కలుపుకోవడం పరిపాటే. ఒకసారి పాల ప్యాకెట్ లేదా బాటిల్ ఓపెన్ చేసిన పాలు ఒకలాంటి పుల్లటి వాసన వస్తాయి. అయితే అలా మిగిలిన పాలను అలాగే ఉంచుకోలేరు. ఆ సమయంలో ఏం చేస్తారు? వెంటనే సింక్లో పారబోసేస్తారు. కానీ అలా చేస్తే చాలా అనర్థాలు జరుగుతాయి. అమెరికాలోని నీటి సంస్థ స్కాటిష్ ఈ విషయాన్ని వెల్లడించింది.
నీటి సంస్థ స్కాటిష్ వాటర్ ప్రకారం.. పాలను సింక్లో పోయకూడదని చెబుతున్నారు. ఎందుకంటే ఇది మీ ఇంటి కాలువలకు,పర్యావరణానికి సమస్యలను కలిగిస్తుంది. పాలలోని కొవ్వులు, ప్రోటీన్లు మీ పైపుల గోడలకు గట్టిపడి అతుక్కుపోతాయి. దీనివల్ల అడ్డంకులు ఏర్పడతాయి. ఈ అడ్డంకులు మీ కాలువలను బ్యాకప్ చేస్తాయి. ఫలితంగా అసహ్యకరమైన వాసనలు వస్తాయి. ఖరీదైన ప్లంబింగ్ వ్యవస్థ మరమ్మతులకు లోనవుతాయి. నీటిలోని స్థాయిలు, జలచరాలకు హాని కూడా కలుగుతుంది.
ఈ పాలను ఇలా సింక్లో పోయడానికి బదులుగా.. వాటర్లో కలిపి తోటలో వేయమని చెబుతన్నది. మీకు కంపోస్ట్ బిన్ ఉంటే.. అందులో ఈ పాలను జోడించవచ్చు. పాలు బయోడిగ్రేడబుల్. మీ కంపోస్ట్కు విలువైన పోషకాలను అందించగలవు. ఏదైనా అసహ్యకరమైన వాసనలు రాకుండా ఉండడానికి దానిని ఇతర కంపోస్ట్ పదార్థాలతో బాగా కలపండి. పలచబరిచిన పాలను మీ తోటకు సహజ ఎరువుగా ఉపయోగించవచ్చు. ఒక భాగం పాలను నాలుగు భాగాల నీటితో కలిపి మీ మొక్కల అడుగుభాగం చుట్టూ పోయాలి. పాలలోని పోషకాలు మీ మొక్కలు బలంగా, ఆరోగ్యంగా పెరగడానికి సహాయపడతాయి.
తోటలో కంపోస్ట్ చేయడం లేదా ఉపయోగించడం ఒక ఎంపిక కాకపోతే, మీరు పాలను సాధారణ గృహ వ్యర్థాలతో పారవేయవచ్చు. పాత పాల కార్టన్ లేదా ప్లాస్టిక్ బాటిల్ వంటి సీలబుల్ కంటైనర్లో పాలను పోసి బిన్లో ఉంచండి. ఈ పద్ధతి పాలు లీక్ కాకుండా, గందరగోళం ఏర్పడకుండా నిరోధిస్తుంది.