టీ-షర్టులు రోజువారీ ఫ్యాషన్లో ఒక ముఖ్యమైన అంశంగా మారాయి. పిల్లల నుంచి పెద్దల వరకు, పురుషుల నుంచి స్త్రీల వరకు దాదాపు అందరూ వాటిని ధరిస్తారు. అయితే ఈ టీ షర్ట్లో టీ అంటే ఏంటో ఎప్పుడైనా ఆలోచించారా?
తేలికగా, సౌకర్యవంతంగా, ధరించడానికి సులభంగా ఉండడం వల్ల టీ-షర్ట్ అంటే అందరూ వయసుతో పనిలేకుండా ఇష్టపడుతుంటారు. ఇలా ఇష్టపడడంలో న్యాయం ఉందనే చెప్పాలి. మామూలు షర్ట్లతో పోలిస్తే వీటిని ఉతకడం సులువు. అలాగే.. దీనికి ఐరన్ అవసరం ఉండదు. అందుకే దీనికి అభిమానులు ఎక్కువ అని చెప్పొచ్చు.
టీ-షర్టులోని ‘T’ అంటే నిజంగా దేనిని సూచిస్తుందో మీరు ఎప్పుడైనా ఆలోచించారా? మనలో చాలా మందికి చొక్కా అంటే ఏమిటో తెలుసు. కానీ ‘T’ వెనుక ఉన్న అర్థం అంతగా తెలియదు. ఆసక్తికరంగా, దీని వెనుక రెండు ప్రసిద్ధ సిద్ధాంతాలు ఉన్నాయి. దాని గురించి నిశితంగా తెలుసుకుందాం.
ఫ్యాషన్ నిపుణుల అభిప్రాయం ప్రకారం.. టీ-షర్ట్ తయారు చేయడానికి సులభమైన దుస్తులలో ఒకటి. దీనికి కాలర్ ఉండదు. స్ట్రెయిట్ స్లీవ్లు ఉంటాయి. సాధారణంగా శరీరానికి స్ట్రెయిట్ కట్లో సరిపోతాయి. ఫ్లాట్గా ఉంచినప్పుడు దుస్తుల ఆకారం ‘T’ అక్షరాన్ని పోలి ఉంటుంది. అందుకే దీనికి ‘టీ-షర్ట్’ అని పేరు వచ్చింది. అయితే, దీనికి మరో వివరణ కూడా ఉంది. ది సన్ నివేదించిన ప్రకారం.. మొదటి ప్రపంచ యుద్ధ సమయంలో, అమెరికన్ సైనికులు తమ శిక్షణా సెషన్లలో తేలికైన, సౌకర్యవంతమైన చొక్కాలను ధరించేవారు. వీటిని మొదట ‘ట్రైనింగ్ షర్ట్స్’ అని పిలిచేవారు, కాలక్రమేణా వీటిని ‘టీ-షర్ట్స్’గా కుదించారని నమ్ముతారు.
మనం చాలా సాధారణంగా ధరించే దుస్తులకు ఇంత ఆసక్తికరమైన మూలాలు ఉన్నాయని తెలుసుకోవడం చాలా ఆశ్చర్యంగా ఉంది. నిజానికి.. మనం ప్రతిరోజూ ధరించే అనేక దుస్తుల వెనుక కొన్ని మనోహరమైన కథలు దాగి ఉన్నాయి.