బిర్యానీతో పాటు.. ఇతర కూరలకు అంచుగా ఉల్లిపాయ పెట్టుకోవడం చాలామందికి అలవాటు. హోటల్కి వెళ్లినా నిమ్మకాయతో పాటు, ఉల్లిపాయలు ఇవ్వడం పరిపాటి. అసలు ఇలా ఎందుకు తింటామో ఎప్పుడైనా ఆలోచించారా?
మీ ప్లేట్ పక్కన పచ్చి ఉల్లిపాయ ముక్క పెట్టుకోవడం చేస్తుంటారా? అసలు అలా మీరు ఎందుకు పెట్టుకోవాలని అనుకుంటున్నారు. ఏ కూరలోకైనా కావాలి అనిపిస్తున్నదా? ఇది కొన్ని ప్రాంతాల్లో కచ్చితమైన సంప్రదాయం. క్రంచ్గా ఉంటుందని పెట్టుకొనే వాళ్లూ ఉన్నారు. కొందరు కేవలం పచ్చి ఉల్లిపాయను మాత్రమే పెట్టుకుంటారు. కొందరు దాని మీద నిమ్మరసం పిండి లేదా ఉప్పు చల్లి పెట్టుకుంటారు. కొందరైతే సన్నగా లేదా గుండ్రంగా కట్ చేస్తారు. వంటలకు ఒక మంచి రుచిని అందిస్తుంది.
ఉల్లి మేలు..
ఉల్లి చేసిన మేలు తల్లి కూడా చేయదనే నానుడి అందరూ వినే ఉంటారు. అందుకే మన భారతీయ వంటల్లో ఉల్లిని కచ్చితంగా చేరుస్తారు. వంటలోనే కాదు.. పక్కన పెట్టుకొని పచ్చిగా కూడా తినేస్తారు. ఎందుకంటే.. ఉల్లిపాయలకు చల్లదనాన్నిచ్చే లక్షణాలు ఉంటాయి. వేసవి తీవ్రంగా ఉన్నప్పుడు ఉల్లి మన శరీర ఉష్ణోగ్రతను నియంత్రించడంలో, వడదెబ్బను నివారించడంలో సహాయపడుతుందని నమ్ముతారు. అందుకే ప్రజలు పచ్చి ఉల్లిపాయను రోటీలతో కొరికి తింటారు. ఇందులో హైడ్రేషన్ కారకం కూడా ఉంది. ఉల్లిపాయలలో నీటి శాతం ఎక్కువగా ఉంటుంది. వాటిని పచ్చిగా తినడం వల్ల మీ జీర్ణవ్యవస్థ సక్రమంగా జరుగుతుంది. పచ్చి ఉల్లిపాయలలో ప్రీబయోటిక్స్ ఉంటాయి. అంటే అవి మీ పేగులోని మంచి బ్యాక్టీరియా సంతోషంగా ఉండటానికి సహాయపడతాయి. కాబట్టి మీరు ఏదైనా కారంగా తింటుంటే కొన్ని పచ్చి ఉల్లిపాయ మీ కడుపు దానిని బాగా ఎదుర్కోవటానికి సహాయపడుతుంది.
ఆరోగ్యమే..
ఉల్లిపాయలు రక్తంలో చక్కెర సమతుల్యం చేస్తాయి. పచ్చి ఉల్లిపాయలో మీ శరీరం ఇన్సులిన్ను ఎలా ఉపయోగిస్తుందో సహాయపడే సమ్మేళనాలు ఉన్నాయి. కాబట్టి మీరు పరాఠాలు, అన్నం లేదా బిర్యానీ వంటి కార్బోహైడ్రేట్లు అధికంగా ఉన్న వాటిని తింటుంటే పక్కన ఉన్న ఉల్లిపాయ ఖాళీని పూరించడానికి మాత్రమే కాదు, ఇది వాస్తవానికి మీ శరీరం భోజనం నుండి చక్కెరను కొంచెం మెరుగ్గా నిర్వహించడానికి సహాయపడుతుంది. గుండె ఆరోగ్యానికి కూడా అంతే. పచ్చి ఉల్లిపాయలు రక్తాన్ని పలుచగా చేయడానికి, రక్త ప్రసరణను మెరుగుపరచడంలో సహాయపడే సహజ యాంటీఆక్సిడెంట్లను కలిగి ఉంటాయి.
రుచిగా కూడా..
అన్ని ఆరోగ్య కారణాలను పక్కన పెడితే.. భారతీయులు ఆహారంతో ఉల్లిపాయను ఇష్టపడటానికి అతిపెద్ద కారణం ఏమిటంటే ఇది ప్రతిదీ బాగా రుచికరంగా చేస్తుంది. ఘాటైన రాజ్మా చావల్ తిని తర్వాత ఉప్పు, నిమ్మకాయలో ముంచిన పచ్చి ఉల్లిపాయ ముక్కను తిని చూడండి. లేదా మిగిలిపోయిన రోటీని చుట్టి.. నెయ్యి, కొన్ని ఉల్లిపాయ ముక్కలు, పుదీనా చట్నీతో లాగించేయడి. తలుచుకుంటుంటేనే జిహ్వా పెరిగినట్లు అనిపించడం లేదు. ఇంట్లోనే కాదు.. దాబాలు, రెస్టారెంట్లలో కూడా వీటిని పెట్టడానికి కారణం రుచి మరింత పెరగడం కోసమే. అందుకే ఇప్పటి నుంచి ఆహారంతో పాటు పచ్చి ఉల్లిపాయ ఎందుకు తింటున్నారని అడిగినప్పుడు అది కేవలం క్రంచ్ కోసం మాత్రమే కాదని చెప్పండి.