ఫ్యాషన్ ప్ర‌పంచం ఎంతో ఆత్రుత‌గా ఎదురుచూస్తున్న మెట్‌గాలా సంబురం మొద‌లు కానుంది. ఈ పండుగ‌కు హాలీవుడ్ నుంచే కాదు బాలీవుడ్ ప్రముఖులు కూడా కొంద‌రు హాజ‌ర‌వుతారు. అలాంటి వేడుక‌లో కొన్ని ప‌దార్థాల‌ను నిషేధించారు.
ఫ్యాషన్ ప్రపంచంలోనే అతిపెద్ద మెట్ గాలా మ‌రికాసేప‌ట్లో మొద‌లుకానుంది. మే 5 రాత్రి (భారతదేశంలో మే 6) ప్రపంచవ్యాప్తంగా ఉన్న ప్రముఖులు న్యూయార్క్‌లోని మెట్రోపాలిటన్ మ్యూజియం ఆఫ్ ఆర్ట్‌కు వస్తారు. ఐకానిక్ నిధుల సేకరణ గాలా కోసం వారి సార్టోరియల్ బెస్ట్ దుస్తులను ధరిస్తారు. ప్రతీ సంవత్సరం మే మొదటి సోమవారం జరుపే ఈ కార్యక్రమం మెట్రోపాలిటన్ మ్యూజియం ఆఫ్ ఆర్ట్‌లో కాస్ట్యూమ్ ఇన్‌స్టిట్యూట్ వార్షిక ఫ్యాషన్ ఎగ్జిబిషన్ ప్రారంభోత్సవాన్ని సూచిస్తుంది.
ఈ సంవత్సరం ఎగ్జిబిషన్ థీమ్ ‘సూపర్‌ఫైన్: టైలరింగ్ బ్లాక్ స్టైల్స్‌’. దానితో పాటు డ్రెస్ కోడ్ ‘టైలర్డ్ ఫర్ యు’. ఈ థీమ్ బ్లాక్ స్టైల్‌ను జరుపుకోనుంది. ముఖ్యంగా బ్లాక్ డాండిజం పురుషుల దుస్తుల టైలరింగ్ చ‌రిత్ర, సాంస్కృతిక ప్రాముఖ్యతపై దృష్టి పెడుతుంది.
ఈ సంవత్సరం మెట్ గాలా భారతీయులకు చాలా ప్రత్యేకమైనది. ఈ ప్రతిష్టాత్మక కార్యక్రమానికి అనేక మంది భారతీయ ప్రముఖులు హాజరు కానున్నారు. మెట్ గాలా 2025 షారుఖ్ ఖాన్, దిల్జిత్ దోసాంజ్, కియారా అద్వానీ అరంగేట్రం చేయ‌నున్నారు. ఇక రెగ్యులర్ అటెండర్లు ప్రియాంక చోప్రా, నటాషా పూనవాలా కూడా అద్భుతమైన ఫ్యాషన్ స్టేట్‌మెంట్‌లు ఇస్తార‌ని భావిస్తున్నారు.
వోగ్ ఎడిటర్-ఇన్-చీఫ్ అన్నా వింటౌర్ నిర్వహించే ఈ కార్యక్రమం పాప్ సంస్కృతిలో అత్యంత విస్తృతమైన, అసాధారణమైన ఫ్యాషన్ క్షణాలను అందించడంలో ప్రసిద్ధి చెందింది. ఈ కార్యక్రమానికి కొన్ని నియమాలు కూడా ఉన్నాయి. అతిథులు తమ మొబైల్ ఫోన్‌లను ఉపయోగించడానికి అనుమతించబడరు. అతిథులు ధూమపానం చేయడాన్ని కూడా క‌చ్చితంగా నిషేధించారు.
మెట్ గాలాలో కొన్ని కఠినమైన ఆహార నియమాలు కూడా ఉన్నాయి. వాస్తవానికి అనేక వస్తువులను మెనూ నుంచి పూర్తిగా నిషేధించారు. సెలబ్రిటీలు మెట్ గాలాలో తమ ప్లేట్‌లో ఈ ఐదుంటిని క‌చ్చితంగా కనుగొనలేరు. చివ్స్, ఉల్లిపాయలు, వెల్లుల్లి, బ్రష్చెట్టా, పార్స్లీ. ఎందుకంటే ఇవి తింటే నోటి దుర్వాసన వ‌స్తుంద‌ని వింటౌర్ భావించారు. అందుకే ‘అటువంటి కార్యక్రమంలో దుర్వాసన ఎవరికి కావాలి! ‘ అంటూ కామెంట్ చేశారు. అదనంగా బ్రష్చెట్టా వంటి వాటిని కూడా నిషేధించారు. ఎందుకంటే అవి దుస్తులపై సులభంగా ప‌డిపోతాయ‌ని భావించారు వింటౌన్‌. అందుకే వాటిని కూడా మెనూ నుంచి తీసేశారు.
